Солиқ тўловчилар мурожаатларини инобатга олган ҳолда, «Солиқчи-кўмакчи» тамойили асосида, 01.01.2023-yildan 30.06.2024-yilgacha онлайн-НКТ ва электрон чеклар суммаларини таҳрирлашга рухсат берилди.
Бунинг учун my3.soliq.uz даги "Юридик шахсларнинг онлайн назорат касса техникаси маълумотлари" саҳифасидан "Чек маълумотлари" бўлимига кирилади.
Қидирув тизимига чекнинг фискал модули (ИД), санаси ёки рақамини киритиб тузатиладиган чек топилади.
Очилган ойнада чек суммаси таҳрирланади.
Чек суммаси ўзгартирилгандан сўнг, тадбиркорлик субъектининг таҳрирлаш натижасида юзага келадиган оқибатларни ўз зиммасига олиши ҳақидаги мурожаати (фақат битта файл) илова қилиниши лозим.
«Сақлаш» тугмаси орқали жараён якунланади.
Суммаси таҳрирланган чеклар ҳудудий солиқ бошқармалари ишчи гуруҳи томонидан қабул қилинади ёки рад этилади.
Жавобни шахсий кабинетдан кузатиб боринг.
Чек таҳрирлаш рад этилганда, изоҳга кўра, тузатишлар киритилиб, қайта мурожаат юбориш мумкин.
Мурожаатлар 10–25 июль кунлари қабул қилинади (сўнгги кунга қадар қолдирмаслик тавсия этилади).
Кешбек олинган чеклар бўйича сумма буджетга қоплаб берилган тақдирда таҳрирлаш имконияти яратилган.
Таҳрирланган чеклар бўйича тегишли ҳисоботларни қайта топшириш талаб этилади. Қайта ҳисобот тақдим этмаслик тавофутларни (Автокамерал) келтириб чиқаради.
Сайёр солиқ текширувлари бошқармаси