Forumning birinchi ish kuni yakunlandi
28/02/2024
Kunning ikkinchi yarmida ITIC prezidenti Daniel Vitt mintaqaviy iqtisodiy rivojlanishning ustuvor yo‘nalishlari va raqamli iqtisodiyot mavzusida ma’ruza qildi.
Xususan, milliy rivojlanish va investitsiyalarni qo’llab-quvvatlashda barqaror soliq siyosati, global iqtisodiy tendentsiyalar sharoitida bilvosita soliq tushumlarining o‘sishini ta’minlash yuzasidan fikr-mulohazalarini bildirdi.
Bundan tashqari, ITIC mutaxassisi Hafiz Chaudhuri quyidagi mavzularda ma’ruza qildi:
- bevosita soliqlar siyosati va ma’muriyatchiligi foyda soligi;
- iqtisodiyot sektorlari kesimida soliqlarni qo’llash va prognozlashtirish;
- mintaqada transchegaraviy operatsiyalarni amalga oshiruvchi soliq to‘lovchilar uchun soliqdan qochish o‘rniga xarajatlar yukini kamaytirish yo‘llari.
Shu bilan Forumning birinchi ish kuni yakunlandi. Forum 29-fevral kuni ham davom etadi.
Soliq qo‘mitasi Matbuot xizmati
