Ikki buyuk siymoga ehtirom
09/02/2024
Soliq qo‘mitasida Alisher Navoiy tavalludining 583 yilligi, Zahiriddin Muhammad Bobur tavalludining 541 yilligi munosabati bilan “Ikki buyuk siymoga ehtirom” mavzusida madaniy-ma’rifiy tadbir tashkil etildi.
Tadbirda Respublika Ma’naviyat va ma’rifat markazi eksperti, O‘zbekiston Respublikasida xizmat ko‘rsatgan yoshlar murabbiysi Jamila Shermuhammedova she’riyat mulkining sultoni, ulug‘ mutafakkir va davlat arbobi A.Navoiy hamda shoh va shoir, oʻzbek mumtoz adabiyotining yirik namoyandasi, Z.M.Bobur hayot yo‘llari hamda o‘lmas asarlari avlodlar uchun ma’rifat mayog‘i bo‘lib xizmat qilishi xususida so‘z yuritdi.
Shuningdek, soliq to‘lovchilarga sifatli xizmat ko‘rsatish, sohada korrupsiyaga qarshi kurashish hamda jamiyatda soliq organlari ijobiy imijini oshirishda tizim xodimlarining nafaqat sohaviy bilimi, balki yuqori ma’naviy salohiyati ham muhim ahamiyatga ega ekanligini ta’kidladi.
