Joriy yilning 15-fevral kuni Soliq qo‘mitasi huzuridagi Jamoatchilik kengashi a’zolari tomonidan onlayn formatda hisobot va soliqqa tortishning dolzarb masalalari muhokama qilindi.

Xususan, Prezidentimizning “Moliyaviy hisobotning xalqaro standartlariga o‘tish bo‘yicha qo‘shimcha chora-tadbirlar to‘g‘risida”gi qaroriga (PQ-4611 24.02.2020-yil) o‘zgartish va qo‘shimchalar kiritish hamda Soliq kodeksida kurs farqlarini huquqiy tartibga solishni takomillashtirish bo‘yicha takliflar ko‘rib chiqildi. 

So‘zga chiqqan ekspertlar yirik soliq to‘lovchilar uchun MHXSga majburiy o‘tish bo‘yicha qonunchilik talablarini amalga oshirishda muammolar mavjudligini qayd etdi.

Jamoatchilik kengashining ayrim a'zolari quyidagilar hisobotlarni xalqaro standartlarga muvofiq tayyorlashni majburiy deb hisobladi: 

- boshqa shaxslarning pul moliyaviy resurslarini jalb qiluvchi va ulardan o‘z manfaatlari yo'lida foydalanadigan tashkilotlar;

- Vazirlar Mahkamasi tomonidan tasdiqlangan ro‘yxat bo‘yicha yirik soliq to‘lovchilar; 

MHXS taqdim etishga majburiy o‘tgan, ammo buning uchun iqtisodiy rag‘batga ega bo‘lmagan tadbirkorlik subyektlari buni og‘ir, deb hisoblaydi, degan fikr bildirildi.

Moliyaviy hisobotning milliy standartlarini xalqaro standartlarga muvofiqlashtirishni jadallashtirish taklif etilmadi. Bu O‘zbekistonga buxgalterlar uchun uzilishlarsiz, korxonalar uchun ortiqcha xarajatlarsiz xalqaro moliyaviy hisobot tamoyillariga o‘tish imkonini beradi.

Mutaxassislar kurs farqini atroflicha muhokama qilib, Soliq kodeksiga o‘zgartirishlar kiritishni taklif qildi. 

Mazkur masalalarni muhokama qilishni davom ettirish va kengash a’zolari tomonidan ma’qullangan takliflarni e’lon qilish hamda Jamoatchilik kengashining navbatdagi yig‘ilishini 29-fevral kuni o‘tkazishga qaror qilindi. 

* Jamoatchilik kengashining navbatdagi yig‘ilishi 22-fevral kuni o‘tkazilishi to‘g‘risida xabar qilingan edi. Navbatdan tashqari seminar masala dolzarbligi sababli bo‘lib o‘tdi.