Jismoniy shaxslardan olinadigan yer soligʻi 

Soliq to‘lovchilar: 

Mulk huquqi, egalik qilish, foydalanish yoki ijara huquqlari asosida yer uchastkalariga ega boʻlgan jismoniy shaxslar va dehqon xoʻjaliklari. 

👉 Soliq kodeksi 433-modda 

 Yer soligʻi obyektlari:

▫️qishloq va dehqon xoʻjaligi uchun berilgan; 

▫️yakka tartibda uy-joy qurilishi uchun berilgan; 

▫️jamoa bogʻdorchiligi, uzumchiligi va polizchilik uchun berilgan, 

▫️yakka tartibdagi va jamoa garajlari egallagan;

▫️meros yoki hadya qilingan va sotib olinganda mulk huquqi, egalik qilish va foydalanish huquqi oʻtgan;

▫️qonunchilikda belgilangan tartibda mulk qilib sotib olingan;

▫️tadbirkorlik faoliyatini yuritish uchun foydalanishga yoki ijaraga berilganda joylashgan koʻchmas mulk obyektlari ostidagi yer uchastkalari.

▫️xizmat yuzasidan berilgan chek yerlar;

▫️ko‘p kvartirali uylarda joylashgan yashash uchun mo‘ljallanmagan ko‘chmas mulk obyektlari egallagan yer uchastkalari.

👉 Soliq kodeksi 434-modda 

 Yer soligʻi imtiyozlari:

▫️ “Oʻzbekiston Qahramoni”, Sovet Ittifoqi Qahramoni, Mehnat Qahramoni unvonlari, uchala darajadagi Shuhrat ordeni bilan taqdirlangan fuqarolar;

▫️urush nogironlari va qatnashchilari;

▫️I va II guruh nogironligi boʻlgan shaxslar;

▫️yolgʻiz pensionerlar;

▫️boquvchisini yoʻqotgan koʻp bolali oilalar;

▫️Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar;

▫️energiya resurslarining amaldagi tarmoqlaridan toʻliq uzib qoʻyilgan turar joylarda qayta tiklanadigan energiya manbalaridan foydalanuvchi shaxslar   qayta tiklanadigan energiya manbalari oʻrnatilgan oydan eʼtiboran uch yil muddatga yer solig‘idan ozod qilingan:

Soliq imtiyozlari yakka tartibdagi uy-joy qurilishi, dehqon xoʻjaligini yuritish uchun berilgan yer uchastkalariga boʻlgan huquqlarni davlat roʻyxatidan oʻtkazishni amalga oshiruvchi organda roʻyxatdan oʻtkazgan jismoniy shaxslarga beriladi. 

Soliq imtiyozlari soliq toʻlovchining tanlovi boʻyicha faqat bitta yer uchastkasiga beriladi. 

Soliq imtiyozlariga ega boʻlgan shaxslar soliq imtiyozlarini olish huquqini tasdiqlovchi hujjatlarini yer uchastkasi joylashgan yerdagi soliq organlariga mustaqil ravishda taqdim etadi.

👉 Soliq kodeksi 436-modda

 Yer soligʻi stavkalari:

Qishloq xoʻjaligiga moʻljallanmagan yerlar uchun yer soligʻi stavkalarining aniq miqdorlarini quyidagi havola orqali koʻrish mumkin 👉 https://soliq.uz/regulations/land-property-tax.

Jismoniy shaxslarga dehqon va qishloq xoʻjaligi uchun moʻljallangan yerlarga soliq stavkasi qishloq xoʻjaligi ekinzorlarining normativ qiymatiga nisbatan 0,95 foiz miqdorda belgilanadi. 

👉 Soliq kodeksi 429-modda 

Jismoniy shaxslar imtiyozdan foydalanish uchun soliq imtiyoziga bo‘lgan huquqini tasdiqlovchi hujjatlarni ikki usulda taqdim etishi mumkin: 

▫️my.soliq.uz portalidagi shaxsiy kabinetida "Jismoniy shaxslar tomonidan mol-mulk va yer solig‘i bo‘yicha imtiyozlardan foydalanish to‘g‘risida soliq organlarini xabardor qilish" xizmati orqali; 

▫️ko‘chmas mulk joylashgan yerdagi soliq organiga mustaqil ravishda shaxsan taqdim etish orqali. 

Resurs soliqlari boshqarmasi