Налоговый комитет при Кабинете Министров Республики Узбекистан

Кадастр бўйича иккита низом муҳокамада

25/09/2020

Норматив-ҳуқуқий ҳужжатлар лойиҳалари муҳокамаси порталига Вазирлар Маҳкамасининг “Ўзбекистон Республикаси Давлат солиқ қўмитаси ҳузуридаги Кадастр агентлиги тўғрисидаги ҳамда Давлат кадастрлари палатаси тўғрисидаги низомларни тасдиқлаш ҳақида”ги қарори лойиҳаси жойлаштирилди.

Ҳужжат билан Агентлик барча бўғинларининг тузилиши ва функциялари, мажбуриятлари ҳамда ҳуқуқлари белгиланди. Ҳужжатнинг муҳим қоидалари:

Давлат кадастрларини юритиш соҳасида:

– кўчмас мулкка бўлган ҳуқуқларни давлат рўйхатидан ўтказиш соҳасида ягона давлат сиёсатини амалга оширилишини таъминлаш, шунингдек, давлат ер, бинолар ва иншоотлар кадастрини юритиш;

– давлат кадастрларини юритиш соҳасида ягона давлат сиёсатини амалга ошириш;

– давлат бошқаруви органлари ва маҳаллий давлат ҳокимияти органларининг давлат кадастрларини юритиш соҳасидаги фаолиятини мувофиқлаштириш.

Геодезия ва картография соҳасида:

– аэрокосмик суратга олиш, топография-геодезия, картографияга оид изланишлар ҳамда тадқиқотларни, ерларни масофадан туриб зондлаш, геодинамик тадқиқотлар маълумотлари ва материалларидан фойдаланган ҳолда картографик мониторингни амалга ошириш.

– давлат картография-геодезия кадастрини юритиш.

Ерларнинг ҳисобини юритиш соҳасида:

– ер ресурсларидан мақсадли фойдаланиш соҳасида ягона давлат сиёсатини амалга ошириш, ер тузиш, ерларнинг ҳисобини юритилишини такомиллаштиришга қаратилган чора-тадбирлар комплексини ишлаб чиқиш ва амалга ошириш.

Халқаро ҳамкорликни кенгайтириш, геодезия, картография ва давлат кадастрларини юритиш соҳасида кадрларни тайёрлаш, қайта тайёрлаш ва малакасини ошириш ҳам Агентлик зиммасига юклатилди.

Қарор лойиҳасида Давлат кадастрлари палатасининг Низоми ҳам айни шаклда тақдим этилиб, унда палатанинг структураси, функция ва вазифалари, ҳуқуқ ва мажбуриятлари белгиланган.

Қарор лойиҳаси давлат тилида жойлаштирилган. Лойиҳага 2020 йил 5 октябргача таклиф бериш ва муносабат қолдириш мумкин.

ДСҚ Матбуот хизмати