Biznesga yaratilayotgan yengilliklar yakka tartibdagi tadbirkorlar sonini ham sezilarli darajada oshirishga xizmat qilmoqda. Birgina shu yilning oʻzida ular soni 58 mingga koʻpayib jami 246 mingga yaqinlashdi.

"Yakka tartibdagi tadbirkorlik bilan shugʻullanuvchi jismoniy shaxslarga tovar aylanmasi 100 million soʻmgacha boʻlgan davrda olgan daromadlari va xarajatlari toʻgʻrisidagi hisobotlarni topshirish majburiyati yuklatilgan edi, bugungi kunga kelib ushbu majburiyat bekor qilindi.

Avvallari yakka tartibdagi tadbirkorlar faoliyati davomida 3 nafargacha xodimlarni yollari mumkin edi. Bugungi kunga kelib ushbu miqdor oshirildi yaʼni 5 nafarga xodimni yollashi mumkin. Bu ham faoliyatni kengaytirishda muhim rol oʻynaydi. Yakka tartibdagi tadbirkorlar har bir yollanma xodimi uchun har oyda BHM ning yarim baravari miqdorida ijtimoiy soliq toʻlar edi, bugungi kunga kelib har bir xodimi uchun yilda bir marotaba BHM ning bir baravari miqdorida  ijtimoiy soliq toʻlashi belgilandi. Yana bir muhim yangilik Respublikamiz tumanlari toifalarga ajratilib 5  toifaga kirgan tumanlarda faoliyat yuritayotgan yakka tartibdagi tadbirkorlar qatʼiy belgilangan miqdorda daromad soligʻini toʻlashdan ozod qilindi." Adham ABDURAHMONOV – Soliq qoʻmitasi bo‘lim boshligʻi.

Shu yilning oʻzida yakka tartibdagi tadbirkorlar soni 58 mingga qoʻpayib  246 ming nafarga yetdi.  Eng  koʻpi Toshkent shahrida faoliyat yuritmoqda – 33 mingga yaqin. Samarqand viloyatida 28 yarim mingta, Undan keyingi oʻrinlardan Fargʻona, Toshkent hamda Qashqadaryo viloyatlari joy olgan. Sohalar kesimida tahlil qilinganda eng koʻp yakka tartibdagi tadbirkorlar chakana savdo bilan shugʻullanadi undan keyin hunarmandchilik hamda maishiy xizmat koʻrsatish yoʻnalishi.  

Soliq to‘lovchilarga xizmat ko‘rsatish departanmenti