O'zbekiston Respublikasi Soliq qo'mitasi

Онлайн-НКМ ва виртуал касса орқали амалга оширилган реализациялар учун “Имтиёз” қўллаш имконияти яратилди

12/07/2021

Давлат солиқ қўмитаси томонидан тадбиркорлик субъектларини қўллаб‑қувватлаш ҳамда улар томонидан ўз фаолиятларини юритишда қўшимча афзаллик ва қулайликлар яратиш мақсадида, бир қатор чора-тадбирлар амалга оширилмоқда.

Жорий йилнинг апрель ойидан онлайн-НКМ ва виртуал кассалардан қабул қилинган онлайн чек маълумотлари асосида айланмадан олинадиган солиқ ва қўшилган қиймат солиғи ҳисоботларидаги маълумотларни автоматик шакллантириш механизми жорий қилинди.

Шу жумладан, солиқ ҳисоботларини тўғри шакллантириш ва тадбиркорлик субъектлари томонидан уларга тегишли бўлган имтиёзлардан тўлиқ фойдаланиш мақсадида солиқ тўловчининг (my.soliq.uz) шахсий кабинетида онлайн-НКМ ва виртуал касса орқали амалга оширилган реализациялар учун “Имтиёз” қўллаш имконияти яратилди.

Ушбу имкониятдан фойдаланиш учун:

1.
my.soliq.uz порталида солиқ тўловчининг шахсий кабинетида “ЮШ онлайн-НКМ ва виртуал касса маълумотлари” бўлимига кирилади;

2. “Имтиёз” бўлими (менюси)га ўтилади.

3. Ушбу бўлимда имтиёз тури танланади ва суммаси киритилади.

(Эслатма: Имтиёзнинг умумий суммаси (нақд, банк картаси, ҚҚС) суммаси онлайн‑НКМ ва виртуал касса чекининг жами суммасидан ошмаслиги керак).

4. Ҳар бир ой учун бир ёки ундан ортиқ имтиёз турларини танлаш имконияти мавжуд;

5. Имтиёз турлари муваффақиятли сақлангандан сўнг “Солиқ ҳисоботлари” менюсида имтиёз номи, коди ва суммаси ҳақидаги маълумот автомат акс эттирилади”.