2025-yil 1-yanvar holatiga Respublika boʻyicha 4-sektorda 2 158 ta mahalla, 1,7 mlnta xonadon bor. Ularda 2,2 mlnga yaqin oila istiqomat qiladi, aholi soni 8,3 mln nafarni tashkil etadi.

2024‑yilning yanvar-dekabr oylari davomida respublika boʻyicha 4‑sektorlarda quyidagi ishlar amalga oshirildi.

“Temir daftar”, “Ayollar daftari” va “Yoshlar daftari”ga kiritilgan oila va fuqarolar boʻyicha.

2025-yil 1-yanvar holatiga “Temir daftar”da mavjud 7 863 ta ehtiyojmand oilalarga “Saxovat va koʻmak” jamgʻarmasi orqali 12 251 ta holatda qariyb 10 mlrd soʻmlik moddiy yordamlar koʻrsatildi.

“Ayollar daftari”ga 5-bosqichda 30 yoshdan yuqori, 6 ta yoʻnalishda muammolar mavjud boʻlgan 227 800 nafar xotin-qizlarga amaliy yordamlar koʻrsatildi. Jumladan 124 334 nafar ishsiz fuqaroning bandligi taʼminlandi, 8 261 nafarini tadbirkorligi yoʻlga qoʻyildi, 37 486 nafar boquvchisi boʻlmagan ehtiyojmandlarga yordamlar koʻrsatildi (shundan 436 nafarining uy-joyi taʼmirlandi), 42 126 nafar ijtimoiy yordamga muhtoj I va II guruh nogironligi boʻlgan, tezkor tibbiy muolajaga muhtoj ehtiyojmandlar yordamlar koʻrsatildi (shundan 243 nafarining uy-joyini taʼmirlandi), 1 389 nafar uy-joyga muhtojlarga yordamlar koʻrsatildi (shundan 103 nafari uy-joy bilan taʼminlandi, 1 286 nafariga ijara kompensatsiyasi toʻlab berildi), 14 204 nafar qaramogʻida nogironligi boʻlgan farzandlari bor ehtiyojmandlarga yordamlar koʻrsatildi (shundan 258 nafar tomorqadan unumli foydalanish uchun yordam berildi).

“Yoshlar daftari”dagi 41 510 nafar yoshlarga 105,509 mln soʻmlik amaliy yordamlar koʻrsatildi.

Jumladan, 1 883 nafari ishga joylashtirildi, 2 806 nafariga 21 131,7 mln soʻmlik mehnat qurollari olib berildi, 12 613 nafariga 37 416,2 mln soʻmlik oliy taʼlim tashkilotlarida bilim olishi uchun toʻlov-kontrakti, 1 343 nafariga 4 563,2 mln soʻmlik kelajak kasblarida oʻqishi, 3 840 nafariga 8 616,3 mln soʻmlik tibbiy davolanishi, 930 nafariga 5 656,6 mln soʻmlik safarbarlik chaqiruvi rezervi, 369 nafariga 466,4 mln soʻmlik haydovchilik guvohnomasi olishi, 501 nafariga 569,3 mln soʻmlik nodavlat taʼlim muassasalarida kasb-hunar va tadbirkorlikka oʻqitish, 1 555 nafariga 2 147,8 mln soʻmlik ilm-fan, sport, sanʼat va madaniyat yoʻnalishlarida oʻqish xarajatlarini qoplash, 116 nafariga 102,1 mln soʻmlik olimpiada, tanlov va musobaqalarning mahalliy bosqichlarida qatnashish xarajatlari (mahalliy), 56 nafariga 431,6 mln soʻmlik olimpiada, tanlov va musobaqalarning bosqichlarida qatnashish xarajatlari (xorijiy), 228 nafariga 471,4 mln soʻmlik turar joy ijarasi, 815 nafariga 790,1 mln soʻmlik psixologik xizmat, 44 nafariga 92,4 mln soʻmlik ijara xarajati, 5 nafariga 65 mln soʻmlik uy joy qurish uchun garovsiz kredit ajratishga kafillik berish, 244 nafariga 128,8 mln soʻmlik maktab formasi va oʻquv qurollari, 325 nafariga 105,7 mln soʻmlik fuqarolik pasporti badalini qoplash, 679 nafariga 401 mln soʻmlik turizm obyektlariga sayohatlari uchun mehmonxona va yoʻl xarajatlari uchun toʻlab berildi, 1 484 nafariga 21 428,4 mln soʻmlik imtiyozli kreditlari, 5 033 nafariga ekin yer maydonlari ajratildi, 271 nafari yakka tartibdagi tadbirkor sifatida roʻyxatdan oʻtkazildi.

Hududlarni ijtimoiy-iqtisodiy rivojlantirish sektorlarini muvofiqlashtirish boshqarmasi