Mahsulotlarning qonuniy aylanmasini taʼminlash mexanizmini takomillashtirish hamda isteʼmolchilarning huquqlarini himoya qilish maqsadida ayrim turdagi mahsulotlarga raqamli markirovkalash talabi joriy qilingan. 

• Majburiy raqamli markirovkalanishi lozim boʻlgan mahsulotlar:
• 2021-yil 1-yanvardan tamaki va alkogol mahsulotlari;
• 2021-yil 1-apreldan pivo mahsulotlari;
• 2022-yil 15-apreldan maishiy texnika;
• 2022-yil 1-oktyabrdan boshqa turdagi tamaki mahsulotlari;
• 2022-yil 1-sentabrdan dori vositalari va tibbiy buyumlar;
• 2024-yil 1-martdan suv va salqin ichimliklar.

Chakana savdo va umumiy ovqatlanish xizmatlarini koʻrsatuvchi tadbirkorlik subyektlari foydalanayotgan avtomatlashtirilgan hisobga olish oʻlchov vositalari (axborot tizimlari, dasturiy mahsulotlari) majburiy ravishda soliq organlarining axborot tizimlari bilan integratsiya qilinishi va Davlat reestriga kiritilishi shart. 

VMQ 943-son 23.11.2019-yil

• Mazkur talablarning bajarilmasligi, yaʼni:
  
• fiskal belgilarni aks ettirish yoxud avtomatlashtirilgan hisobga olish oʻlchov vositalari bilan jihozlash yoki soliq organlarining axborot tizimlari bilan integratsiya qilinishini taʼminlash boʻyicha qonunchilikda belgilangan talablar yoki tartibni buzish,
• tovarlarni (mahsulotlarni) ishlab chiqaruvchilar, import qiluvchilar va sotuvchilar tomonidan identifikatsiya vositalari orqali majburiy raqamli markirovkalash qoidalarini buzish realizatsiya amalga oshirilgan oxirgi hisobot choragida olingan sof tushum miqdorida jarima solishga sabab boʻladi. 

Soliq kodeksi 227 prim 1-modda

Soliq organlari tomonidan joriy yil yanvar-dekabr oylari davomida mazkur belgilangan talablarni buzgan jami 1 200 ta subyektlarda nazorat tadbirlari oʻtkazildi.

Tekshirishlar davomida 1 028 ta holatda majburiy raqamli markirovkalash qoidalari buzilgan: 

- Alkogol mahsulotlari savdosi bilan shugʻullanuvchi - 763 ta;

- Tamaki mahsulotlari savdosi bilan shugʻullanuvchi - 189 ta;

- Maishiy texnika mahsulotlari savdosi bilan shugʻullanuvchi - 76 ta.

Yana 172 ta holatda foydalanilayotgan avtomatlashtirilgan hisobga olish vositalarini soliq organlarining axborot tizimlari integratsiya qilmagan hamda elektron fiskal chek shakllantirilmaganligi tasdiqlandi:

-Chakana savdo va umumiy ovqatlanish shahobchalarida - 166 ta;

- Elektron tijorat va toʻlov tizimlarida – 6 ta subyekt.

Soliq nazorati departamenti