Keshbek amaliyotining jamoatchilik natijalari

Iste’molchilar tomonidan 2024-yil 1-dekabr xolatiga (oktyabr-oyi uchun keshbeklarni ro‘yxatdan o‘tkazishning so‘nggi kuni 10-dekabr) 922,2 mln. ta chek ro‘yxatdan o‘tkazilgan, ularning umumiy xarid summasi 144,5 trln. so‘mdan ziyod. Ushbu cheklarga 1 445,9 mlrd. so‘m keshbek hisoblangan.

MXIK kodi noto‘g‘ri ko‘rsatilganligi yoki sotuvchi tomonidan noto‘g‘ri urilgan cheklar bekor qilinganligi sababli hisoblangan 282,2 mlrd. so‘m keshbek bekor qilingan.

Shuningdek, joriy yil dekabr oyida iste’molchilarga to‘langan jami keshbek summasi 25-yanvar kuni tasdiqlash muddati belgilangan.

 “Soliq hamkor” tizimi

Davlat soliq xizmati organlari tomonidan halol tadbirkorlik uchun teng raqobat sharoitlarini yaratish, insofli tadbirkorlarni qo'llab-quvvatlash, yashirin iqtisodiyot ulushini qisqartirishga qaratilgan choralardan yana biri soliq organlariga soliq huquqbuzarliklari haqida xabar bergan jismoniy shaxslarni mukofotlash amaliyotidir.

Fuqarolar 2022-yil 1-yanvardan boshlab "Soliq hamkor" tizimi orqali quyidagi holatlar yuzasidan xabar berganda huquqbuzarlardan undirilgan jarimaning 20 foizi miqdorida mukofotlanmoqda:

-nazorat kassa texnikasi va to'lov terminallarini qo'llash tartibini buzganlik;

-noqonuniy tadbirkorlik faoliyati;

-to'lov terminallari orqali sotiladigan tovarlarning narxni sun'iy oshirish holatlari. (batafsil)

2024-yil 1-декаbr holatiga, 17 336 nafar fuqaro tomonidan "Soliq  hamkor" tizim doirasidagi "Soliq" mobil ilovasi orqali 90 239 ta murojaat yo'llangan. Shundan 82 009 tasi (90,8%) chek bermaslik holati bo'yicha yo'llangan. Bank plastik kartasi orqali to'lovni qabul  qilishni rad etish bo'yicha 4 021 ta, plastik kartaga mahsulot narxini qimmatroq sotish bo'yicha 192 ta murojaat kelib tushgan.

Yana 4 017 tasi boshqa turdagi soliq huquqbuzarliklar yuzasidan yuborilgan.

Yil boshidan buyon kelib tushgan jami murojaatlarning 49 937 tasi takroran yuborilganligi sababli rad etilgan, 5 834 tasi o‘rganish jarayonida.

Bugungi kunda murojaatlarning 34 551 tasi tekshirildi va ularning 99 foizi (34 198 tasi) o'z tasdig'ini topgan hamda 353 ta murojaatda qayd  etilgan huquqbuzarlik tasdiqlanmagan.

Soliq hisobotlarini belgilangan muddatlarda topshirilishini tartibga solish.

Soliq idoralari tomonidan soliqqa oid huquqbuzarliklarga qarshi kurashish borasida muayyan ishlar amalga oshirildi.

Xususan, 2024-yil 1-декabr holatiga 32 257 ta soliq tekshiruv hujjatlari taalluqliligi boʻyicha sudlarga yuborilgan.

Shundan, 6 344 ta shaxsga nisbatan 6,6 mlrd.soʻm jarima qoʻllanilgan boʻlsa, Ma'muriy javobgarlik to'g'risidagi kodeksning 271-moddasiga asosan 12 748 ta shaxs sudlar tomonidan javobgarlikdan ozod etilgan hamda Ma'muriy javobgarlik to'g'risidagi kodeksning 21-moddasiga asosan 339 ta shaxsga nisbatan ogoxlantirish e'lon qilingan.

Hududiy soliq idoralari tomonidan taalluqliligi boʻyicha 352 047 ta shaxsga nisbatan 1 012,8 mlrd.soʻmlik maʻmuriy jarima qoʻllanilgan boʻlsa, shundan, 173,6 mlrd.soʻmlik maʻmuriy jarima undirilgan.

Yig‘ma-axborot tahlil boshqarmasi