“Soliq” mobil ilovasining “Mening uyim” bo‘limida jismoniy shaxslar tomonidan barcha turdagi kommunal va boshqa turdosh xizmatlar shaxsiy hisob raqamini qo‘shish va to‘lash imkoniyati yaratildi. Shuningdek, to‘lovlarni avtomatik amalga oshirish uchun har oyning ma’lum bir sanasiga “Avtoto‘lov” funksiyasini ulab qo‘yish imkoniyati mavjud.

Ushbu xizmatlardan foydalanish uchun yangi foydalanuvchilar Face ID orqali avtorizatsiyasidan oʻtishlari kerak hisoblanadi.

Jismoniy shaxslar egaligidagi ko‘chmas mulk obyektlari ushbu bo‘limda avtomatik aks etadi. Bundan tashqari jismoniy shaxslar mustaqil ravishda boshqa ko‘chmas mulk obyektlarini qo‘shish imkoniyatiga egalar. Ko‘chmas mulk obyektlarini istalgan tarzda nomlab qo‘yish mumkun.

Ayni vaqtda “Mening uyim” xizmati orqali quyidagi kommunal va boshqa turdosh xizmatlarning shaxsiy hisob varaqalarini ulab qo‘yish va to‘lovlar amalga oshirish mumkin:

•  elektr energiyasi;
•  tabiiy gaz;
•  sovuq suv;
•  issiq suv;
•  maishiy chiqindilarni olib ketish;
•  internet;
•  shahar telefoni aloqasi.

 Ushbu xizmatlarga to‘lov amalga oshirish uchun faqat bir marotaba quyidagi ma’lumotlarni kiritish lozim:

•    elektr energiyasi, tabiiy gaz, sovuq suv, issiq suv va maishiy chiqindilarni olib ketish uchun jismoniy shaxsning ushbu tashkilotlardagi shaxsiy hisob raqami;
•    internet uchun internet provayder nomi va jismoniy shaxsning ushbu tashkilotlardagi shaxsiy hisob raqami;
•   shahar telefoni aloqasi xizmati uchun jismoniy shaxsning shahar telefon raqami ma’lumotlarini kiritish talab etiladi.

Shu bilan bir qatorda to‘lovlarni amalga oshirish uchun bank kartasi ma’lumotlarini ham kiritish talab etiladi.

Bundan tashqari qarzdorlik holati kuzatilganda "Mening uyim" bo‘limining asosiy oyna qismida "Qarz" yozuvi paydo bo‘lishi orqali foydalanuvchini onlayn ravishda holatdan xabardor qilib turadi.

Amalga oshirilgan to‘lovlar haqidagi ma’lumotlar “To‘lovlar monitoringi” bo‘limida saqlanadi.