O'zbekiston Respublikasi Soliq qo'mitasi

СТИР: қисқа ва лўнда

17/11/2020

Ўзбекистонда солиқ тўловчиларни ҳисобга олишни тартибга солиш мақсадида 1997 йилда Солиқ тўловчиларнинг идентификация рақамлари ягона реестри жорий этилган.

Солиқ тўловчининг идентификация рақами ҳақида фактлар:

– юридик ва жисмоний шахсларга (Ўзбекистон Республикаси фуқароларига, хорижий фуқароларга ва фуқаролиги бўлмаган шахсларга, шунингдек, асосий яшаш жойи бўйича фуқароларга, шу жумладан, Ўзбекистон Республикаси резидентларига, доимий яшаш жойига эга бўлмаган, бироқ солиқ мажбуриятлари Ўзбекистон Республикаси ҳудудида пайдо бўлган фуқароларга берилади;

– фақат бир марта берилади;

– юридик шахснинг тугатилиши, жисмоний шахснинг вафоти ёки бошқа мамлакатга кўчиб кетиши муносабати билан, ушбу воқеалар рўй бергандан кейин уч йил ўтгач, бекор қилиниши мумкин;

– белгиланган регистрация шакли (ариза) асосида берилади;

– Солиқ органларининг электрон давлат хизматлари портали ва SOLIQ мобил иловаси орқали масофадан берилади;

– доимий турар жойи бўйича (яшаш жойи) жойлашган давлат солиқ инспекцияларига шахсан ташриф буюрганда берилади;

– берилаётган СТИР такрорланмаслиги учун Давлат солиқ қўмитасида ҳар бир солиқ тўловчининг маълумотлари текширилади;

– солиқ тўловчиларга идентификация рақами берилганлиги тўғрисида ДСИ томонидан тегишли гувоҳнома берилади;

– гувоҳнома мавжудлиги фуқаронинг (ёки юридик шахснинг) солиқ органларида рўйхатдан ўтганлигини билдиради.

ДСҚ Матбуот хизмати