Налоговый комитет Республики Узбекистан

Айрим корхоналарни айланмадан олинадиган солиқ тўлашдан озод этилганлиги муносабати билан ҳисоб-китобини тўлдириш бўйича ҚЎЛЛАНМАси

05/08/2020

Ўзбекистон Республикаси Президентининг 2020 йил 20 июлдаги ПФ-6029-сонли Фармонига мувофиқ умумий овқатланиш ва биноларни ижарага бериш фаолияти билан шуғулланувчи корхоналар айланмадан олинадиган солиқ тўлашдан озод этилганлиги муносабати билан айланмадан олинадиган солиқ ҳисоб-китобини тўлдириш бўйича
ҚЎЛЛАНМА

(Давлат солиқ қўмитасининг 2020 йил 28 январдаги “Солиқ ҳисоботининг шаклларини тасдиқлаш тўғрисида”ги қарорига 9-илова, Адлия вазирлиги томонидан 2020 йил 24 февраль куни 3221-сон билан рўйхатга олинган)

1. Ҳисоб-китоб солиқ тўловчилар томонидан йил бошидан ўсиб борувчи якун билан cўмда тўлдирилади.

2. Айланмадан олинадиган солиқ ҳисоб-китобида фаолият турлари солиқ тўловчи томонидан мустақил равишда шакллантирилади.

3. “Товарларни (хизматларни) реализация қилишдан олинган даромад” 010-сатрда фаолият турлари бўйича Солиқ кодексининг 463-моддасига биноан солиқ солиш объекти сифатида қараладиган даромадлар миқдори кўрсатилади.

4. Ўзбекистон Республикаси Президентининг ПФ-6029-сон Фармони билан умумий овқатланиш ва биноларни ижарага беришга ихтисослашган корхоналар 2020 йил 1 июлдан 2020 йил 31 декабрга қадар айланмадан олинадиган солиқ тўлашдан озод этилган.

5. Ўзбекистон Республикаси Президентининг мазкур Фармонига мувофиқ умумий овқатланиш ва биноларни ижарага беришга ихтисослашган корхоналарнинг
III, IV чоракларда олинган даромадлари Айланмадан олинадиган солиқ ҳисоб-китобининг “Солиқ солинадиган жами даромаднинг камайтирилиши” номли 2-иловаси иккинчи бўлимида меъёрий-ҳуқуқий ҳужжатларга асосан солиқ солинадиган базани аниқлашда чегириб ташланадиган даромадлар қисмида акс эттирилади. Солиқ солинадиган ялпи тушумнинг камайтирилиши лозим бўлган жами даромадлар суммаси мазкур илованинг 010-сатрида жамланади.

6. Ҳисоб-китобнинг 050-сатри фаолият турлари бўйича тегишлича ҳисоб-китоб шаклига 2-илованинг 010-сатрида жамланган жами даромадни камайтирадиган даромадларига тенг сумма кўрсатилади.

7. Ҳисоб-китобнинг 060-сатри умумий овқатланиш ва биноларни ижарага беришга ихтисослашган корхоналарнинг жами даромадларидан III, IV чоракларда олинган даромадлари чегирилган ҳолда автоматик тарзда шаклланади.

8. Ҳисоб-китобнинг 070-сатрида фаолият турлари бўйича белгиланган тегишли солиқ ставкалари автоматик шаклланади.

9. Айланмадан олинадиган солиқ ҳисоб-китобининг 090-сатрида ҳисоблаб чиқарилган солиқ солинадиган база ва белгиланган ставкаларидан келиб чиқиб автоматик тарзда айланмадан олинадиган солиқ суммаси аниқланади.