Ўзбекистон Республикаси Вазирлар Маҳкамаси ҳузуридаги Солиқ қўмитаси

Юридик шахслардан олинадиган ер солиғи (қишлоқ хўжалигига мўлжалланган ер майдонлари бўйича) имтиёзини қўллаган ҳолда аниқлаштирилган ҳисобот тақдим этиш бўйича ҚЎЛЛАНМА

06/08/2020

1. Ўзбекистон Республикаси Президентининг 2020 йил 20 июлдаги ПФ-6029-сонли Фармонига асосан 2020 йил 1 июндан 31 декабргача юридик шахслардан олинадиган ер солиғи имтиёзини қўллаш учун аниқлаштирилган ҳисобот тақдим этилиши лозим.

2. Қишлоқ хўжалигига мўлжалланган ерлар бўйича ер солиғи ҳисоб-китобининг 050-сатр 6-устунида акс эттирилган йиллик ер солиғи суммаси 12 га бўлиб бир ойлик солиқ суммаси ажратилади. Ушбу бир ойлик ер солиғи суммаси 5 га кўпайтирилиб, унинг 30 фоизи 0501‑сатрнинг 6-устунига ва 70 фоизи 0502-сатрнинг 6-устунига ёзилади.

Мисол учун корхонага 2020 йил учун 16 625 000 сўм ер солиғи ҳисобланган. Ушбу сумманинг 1/12 қисми 1 385 416 сўмга (1 385 416 *5=6 927 083 сўмга) тенг бўлади. Ушбу суммани 30 фоизи 2 078 125 сўм 0501-сатрнинг 6-устунига ва 70 фоизи 4 848 958 сўм
0502-сатрнинг 6-устунига ёзилади.

Фармонга асосан имтиёз қўлланилганлиги сабабли июнь-декабрь ойларига ҳисобланган солиқлар камайтирилади.

3. Мева-сабзавотчилик йўналишидаги қишлоқ хўжалик товар ишлаб чиқарувчиларининг мева-сабзавот маҳсулотлари (сабзавотлар, полиз экинлари, мевалар, токзорлар) билан банд бўлган суғориладиган ва лалми ерлари учун тўланадиган ер солиғи бўйича ер солиғи ҳисоб-китобининг 060-сатр 5-устунида акс эттирилган йиллик ер солиғи суммаси 12 га бўлиб бир ойлик солиқ суммаси ажратилади. Ушбу бир ойлик ер солиғи суммаси 5 га кўпайтирилиб, унинг 30 фоизи 0601-сатрнинг 5-устунига ва 70 фоизи 0602-сатрнинг 5-устунига ёзилади.

Мисол учун корхонага 2020 йил учун 1 405 057 сўм ер солиғи ҳисобланган. Ушбу сумманинг 1/12 қисми 117 088 сўмга (117 088 *5 = 585 440 сўмга) тенг бўлади. Ушбу суммани 30 фоизи 175 632 сўм 0601-сатрнинг 5-устунига ва 70 фоизи 409 808 сўм
0602-сатрнинг 5-устунига ёзилади.