Ўзбекистон Республикаси Президентининг 2020 йил 20 июлдаги ПФ-6029-сонли Фармонига асосан 2020 йил 1 июндан 31 декабргача юридик шахсларнинг мол-мулк солиғи имтиёзини қўллаш учун аниқлаштирилган маълумотнома тақдим этиш бўйича

ҚЎЛЛАНМА

1. Ўзбекистон Республикаси Президентининг 2020 йил 20 июлдаги ПФ-6029-сонли Фармонига асосан 2020 йил 1 июндан 31 декабргача юридик шахслар мол-мулк солиғи бўйича имтиёзни қўллаш учун аниқлаштирилган маълумотнома тақдим этиши лозим (2020 йил 1 августга қадар тақдим этилиши мақсадга мувофиқ).

2. Имтиёз берилган давр учун мол-мулк солиғи жорий тўловлар суммасини камайтирган ҳолда аниқлаштирилган маълумотнома тақдим этиш қуйидагича амалга оширилади, жумладан:

а) айланмадан олинадиган солиқ тўловчи бўлмаганлар томонидан

Маълумотноманинг 120-сатрида йил учун ҳисобланган солиқ суммаси 130-сатрдаги имтиёз суммасига камайтирилиб, бюджетга тўланиши лозим бўлган солиқ суммаси 140-сатрида акс эттирилади.

Имтиёз берилган июнь-декабрь ойлари учун ҳисобланган солиқ суммаси маълумотноманинг 130-сатрида кўрсатилади ва бюджетга тўланадиган 140-сатри имтиёз суммасига камайтирилади

Маълумотноманинг 140-сатридаги бюджетга тўланадиган солиқ суммаси 12 га бўлиниб, 1401, 1402, 1403, 1404, 1405-сатрларига тенг тақсимланган ҳолда ёзилади.

Қолган 1406, 1407, 1408, 1409, 1410, 1411, 1412-сатрларига “0” ёзилади.

Мисол учун, корхонага 2020 йил учун 30 000 000 сўм мол-мулк солиғи ҳисобланган. Ушбу сумманинг 1/12 қисми 2 500 000 сўмга (30 000 000/12) тенг бўлади.

Фармонга асосан 130-сатрга 17 500 000 сўм ёзилади ва июнь-декабрь ойларига “0” қўйилган ҳолда қолган сатрларга 2 500 000 сўмдан кўрсатилади. 

б) айланмадан олинадиган солиқ тўловчилар томонидан

Маълумотноманинг 120-сатрида йил учун ҳисобланган солиқ суммаси 130-сатрдаги имтиёз суммасига камайтирилиб, бюджетга тўланиши лозим бўлган солиқ суммаси 140-сатрида акс эттирилади.

120-сатридаги солиқ суммаси 12 га бўлиниб, бир ой учун ҳисобланган солиқ суммаси аниқлаб олинади.

Имтиёз берилган июнь-декабрь ойлари учун ҳисобланган солиқ суммаси маълумотноманинг 130-сатрида кўрсатилади ва бюджетга тўланадиган 140-сатри имтиёз суммасига камайтирилади

Мисол учун, корхонага 2020 йил учун 6 000 000 сўм ҳисобланган. Ушбу сумманинг 1/12 қисми 500 000 сўмга (6 000 000/12) ва 1/4 қисми 1 500 000 сўмга тенг бўлади.

Корхонага ҳар чорак учун 1 500 000 сўм мулк солиғи ҳисобланган.

Фармонга асосан 130-сатрга 3 ойлик имтиёз суммаси 3 500 000 сўм ёзилади.

II чорак учун ҳисобланган сумма 500 000 сўмга камайтирилиб, 1402-сартга, 1 000 000 сўм ёзилади,

III чорак ва IV чораклар учун ҳисобланган сумма тўлиқ камайтирилади.