O'zbekiston Respublikasi Soliq qo'mitasi

Ютуқли чек ўйинларининг 2021 йилдаги илк тиражи санаси маълум бўлди

26/01/2021

Ўтган йилнинг энг оммабоп ижтимоий лойиҳаси 2021 йилда ҳам давом этади – ютуқли чек ўйинлари-2021нинг биринчи тиражи шу ҳафта, 30 январь, шанба куни соат 18:00 да «O‘zbekiston» телеканали орқали тўғридан-тўғри намойиш этилади.

Иштирокчиларни янада кўпроқ совринлар ва яна ҳам кўпроқ ютуқ чиқиш имкониятлари кутмоқда!

Ютуқли чек ўйинларида қуйидаги совринларни ютиб олиш мумкин:

5 дона пул мукофоти;

3 дона телевизор;

3 дона кондиционер;

3 дона газ плитаси;

3 дона уяли алоқа телефони;

3 дона «Хумсон» санаториясига йўлланма;

4 дона велосипед;

Супер ютуқ - Chevrolet Spark автомобили.

Ўйинда бутун республикамиз бўйича истеъмолчилар иштирок этади – асосийси, QR-кодли чекларни рўйхатдан ўтказишда давом этинг ва ютуқ чиқиш имкониятингизни оширинг!

Буни қандай амалга ошириш мумкин?

– QR-кодли чекларни SOLIQ, PayMe ёки Click мобил иловалари орқали сканер қилинг;

– чекнинг 12 сондан иборат фискал белгисини 1077 рақамига SMS тарзида юборинг ва ўйин иштирокчисига айланинг.

Эсда тутинг! Ўйин учун рўйхатдан ўтказиладиган чекларнинг умумий сони чегараланмаган. Бунда истеъмолчи бир кунда 1 та савдо нуқтасидан 2 та чекни рўйхатдан ўтказиши мумкин. Ўйинда харид миқдори 1000 сўмдан кам бўлган чеклар иштирок этмайди.

Ўз омадингизни қўлдан бой берманг!

Давлат солиқ қўмитаси Матбуот хизмати