ДСҚ ютуқли чек ўйинларининг 2021 йилдаги VII тиражи 29 июль куни Хоразм вилоятида ўтказилди. Навбатдаги тиражда онлайн назорат-касса техникаларидан берилган 150 мингга яқин чек иштирок этди. 

Тадбир қадимий Хива шаҳрининг Ичан қалъа майдонида жонли эфирда бўлиб ўтди. Ўйин очиқ ва шаффоф тарзда 22:00дан бошлаб «O‘zbekiston» телеканали ва расмий сайтида (https://www.uztv.tv/channels/uzbekiston) тўғридан тўғри эфирга узатилди.

Унда давлат ва нодавлат ташкилот вакиллари, журналистлар, эстрада артистлари кузатувчи сифатида таклиф этилди. 

Супер ютуқ – Spark автомашинасини Тошкент шаҳри Сирғали туманида истиқомат қилувчи 24 ёшли истеъмолчи қўлга киритди. Унга харид миқдори 84 000 сўм бўлган чек омад келтирди. 

Ютуқли чек ўйинларида мамлакатимизнинг барча ҳудудларида истиқомат қилувчи фуқаролар иштирок этмоқда. Ҳар бир тиражда иштирокчилар ва ғолиблар географияси кенгайиб бормоқда. Жумладан, бу галги тиражда Жиззах вилояти Бахмал тумани, Сирдарё вилояти Мирзаобод тумани, Самарқанд  вилояти Тойлоқ тумани, Бухоро вилояти Ғиждувон тумани, Наманган вилояти Учкўприк тумани, Андижон вилояти Балиқчи тумани ва Сурхондарё вилояти Шеробод тумани истеъмолчилари ғолиблар сафидан жой олди. 

Агар сизнинг чекингиз ютуқли бўлса, ташкилотчилар албатта сизга бу хушхабарни етказади. Ҳар бир тираж якуни билан совриндорларга бир кун ичида ташкилотчилар томонидан чекларни рўйхатдан ўтказган телефон рақами орқали ғолиб бўлганлиги ҳақида SMS хабарнома юборилади. 

Эслатиб ўтамиз, ғолиблардан соврин учун жисмоний шахслардан олинадиган даромад солиғи олинмайди. Ҳар бир соврин учун қўшимча тарзда кўрсатилган пул мукофоти ташкилотчи томонидан жисмоний шахслардан олинадиган даромад солиғи сифатида ушлаб қолинади. 

Ғолиблар рўйхати

Spark автомобили ёки бошқа қимматбаҳо совринлар соҳиби бўлишни истайсизми? Бу жуда осон. Ютуқли ўйинда иштирок этинг. Ўйинда иштирок этиш мутлақо бепул. Сиз шунчаки, онлайн-НКМ ва виртуал кассадан берилган чекларнинг QR-кодини Soliq, PayMe, Click мобил иловаларида сканер қилинг ёки 12 сондан иборат фискал белгисини 1077 рақамига SMS тарзда юборинг. Бир кунда битта савдо нуқтасидан фақат иккита чек рўйхатдан ўтказиш мумкин.