Давлат солиқ қўмитаси марказий аппаратида ютуқли чек ўйинларининг 2021 йилдаги бешинчи тиражи омадли чек соҳибларига совринлар топширилди. 

Ушбу тираж Фарғона вилоятида ташкил этилган эди. Жонли эфирда ўтган ўйин Қўқон шаҳрининг диққатга сазовор жойларидан бири – Ўрда майдонида бўлиб ўтди. Фарғона, Андижон, Наманган, Самарқанд, Тошкент, Хоразм, Қашқадарё вилояти ва Тошкент шаҳри истеъмолчилари совриндорлар қаторидан ўрин олди.

Ғолиблар ўз хоҳишига кўра, совринларни ўзлари истиқомат қилаётган ҳудудда олишлари мумкин. Бунинг ютуқли чекни тақдим этишлари лозим. 

Совриндорлар унутилмас таассуротлари билан бўлишди: 

Татьяна Бокатова, бухгалтер (пул мукофоти соҳибаси): 

Мен биринчи тираждан бери чек ўйинларида қатнашаман. Барча савдо дўконларида чекларни талаб қилишга одатланиб қолдим – ҳатто битта шоколад учун ҳам алоҳида чек талаб қиламан. Ҳар бир чекнинг QR-кодини Soliq мобил иловаси орқали сканер қилиб рўйхатдан ўтказаман. Ҳар тиражда тахминан 15-10 та чекни рўйхатдан ўтказаман ва автомашина соҳибаси бўлишни орзу қиламан. Орзуларим сари биринчи қадамни ташладим!

Озода Нуштаева, ўқитувчи (мобил телефон соҳибаси):  

Facebook ижтимоий тармоғида қизиқарли ўйин анонсини кўриб қолдим. Ўшанда ютуқли ўйинларнинг Ҳозир яқинларим ва дўстларимни ҳам ютуқли ўйинда иштирок этишга ўргатиб боряпман. Улар менинг ютуғимдан жуда хурсанд.

Чехларни талаб қилиб, жамиятда тўғри истеъмол маданиятини шаклланишига ҳисса қўшяпмиз. Чек берилмаган ҳолатларда Soliq мобил иловасининг «Soliq hamkor» бўлими орқали хабар бераман.

Назрулло Раҳматуллаев, талаба (велосипед соҳиби): 

Ютуқли чек ўйини – бу барча иштирок этиши мумкин бўлган ижтимоий лойиҳа. Ҳа, мен оддий одамлардан фарқ қиламан, лекин бу менга харид қилиш, ўқиш, оиламга ёрдам беришимга тўсқинлик қилмайди. Дорихонадан берилган чек учун велосипед соҳиби бўлдим. Мен доим соғлигим ҳақида қайғураман.

Бу кутилмаган соврин ҳам мени соғлом ҳаёт сари етаклашга хизмат қилади. Сиз ҳам иштирок этинг ва ғолиб бўлинг!

Абдунаби Шарипов, тадбиркор (супер ютуқ – Spark автомобили соҳиби): 

Ютуқли ўйинларда қарийб бир йилдан иштирок этиб келаман. Шу пайтгача ютуқ насиб этмаган эди. Ишончимни сўндирмай, ҳар бир олган чекларнинг фискал белгисини 1077 рақамига юборишда давом этдим. Мана омадим келиб автомобил ютиб олдим. 

Челарни талаб қилинг, ўйинда иштирок этинг ва сиз ҳам супер ютуқ соҳиби бўлинг!