2024 йил 1 июнь ҳолатига

Амалга оширилган ишлар, жорий ҳолат ва режалар

Солиқ қўмитасининг Маълумотларни қайта ишлаш марказини модернизациялаш доирасида аппаратлар ва дастурий таъминот етказиб бериш бўйича тендер якуни билан 5 та шартнома имзоланган (умумий қиймати: 39,32 млн доллар).

Маълумот учун: Тендер 5 та лот кесимида эълон қилинган (3.03.23й.), баҳолаш натижалари Харид комиссияси ва Жаҳон банки томонидан маъқулланган (31.07.23й.), ғолиблар аниқланган (17.08.23й.), шартномалар келишилган (30.09.23й.). “Winncom Technologies Corp.” (АҚШ) билан 1,2,3,4 лот (16.10.23й., 15.12.23й.) шартномалари, “Blaze Technologies LTd” (Болгария) билан 5-лот шартномаси (19.10.23й.) имзоланган, Инвестициялар, саноат ва савдо вазирлигида рўйхатга қўйилган. 

2023 йил декабрда ускуналар қисман етказиб келинган (5,84 млн доллар), 2023 йил Инвестиция Дастури ўзлаштириш прогнози бажарилган (6 млн доллар).

2024 йилда кредит ҳисобидан 20,0 млн доллар ўзлаштирилиши режалаштирилган (Вазирлар Маҳкамаси 18.04.24й., 73-баёни, Лойиҳа тармоқ жадвали)

2024 йил I чорак учун мўлжалланган Инвестиция Дастури доирасида (Вазирлар Маҳкамасининг 14.02.24й., 92-сон қарори) белгиланган ўзлаштириш прогнози (3 млн доллар) 2024 йил февралда 3-лот шартномаси бўйича 3,1 млн доллар қийматида ускуналар етказиб келиниши ҳисобига бажарилди.

2024 йил II чорак Инвестиция Дастурида (Вазирлар Маҳкамасининг 16.05.24й., 286-сон қарори) лойиҳа бўйича 4,1 млн доллар ўзлаштирилиш прогнози белгиланган. 2024 йил апрелда  2 ва 3-лот шартномалари бўйича 6,9 млн доллар қийматида ускуналар етказилиши ҳисобига режа муддатидан олдин ортиғи билан бажарилди.

2024 йил январь-май ойларида лойиҳа доирасида 10,06 млн доллар ўзлаштирилиб, ҳисобот даври режаси (5 млн доллар) ортиғи билан бажарилиши (201%) таъминланди.

Лойиҳа бошидан 2024 йил 1 июнгача 15,84 млн доллар қийматида (шартномалар умумий қийматининг 40%) ускуналар етказиб келинди (2-лот - 5,6 млн.долл., 3-лот - 6,8 млн доллар, 5-лот - 3,43 млн доллар).

Жаҳон банкининг молиявий ҳисоботларини ташқи мустақил аудитдан ўтказиш талабини таъминлаш доирасида аудитор танлови учун техник топшириқ ва тендер ҳужжатлар ишлаб чиқилди, Солиқ қўмитаси тузилмалари билан келишилди, Харид комиссияси томонидан тасдиқланди (04.04.2420 й.), Жаҳон банки билан келишилди, танловда иштирок этиш бўйича малакавий талаблар эълон қилинди (19.04.24й.), 8-та консалтинг компаниядан таклифлар олинди (3.05.24й.) ва баҳоланди (21.05.24й.). Харид комиссияси консультантларнинг “қисқа рўйхати”ни (4-та компания) тасдиқлади ва уларга тендер ҳужжатлар юборилди (27.05.24й.). 2024 йил июнь охирида (26.06.24й.) тендер таклифлар олиниши кутилмоқда, баҳолаш натижали бўйича ғолиб билан шартнома тузиш кутилмоқда (2024й. июль).

“Солиқ маъмуриятчилигини ислоҳ қилиш” лойиҳасини амалга ошириш гуруҳи