1.1. Солиқ декларацияларини юбориш хизматида қуйидаги декларация турларидан бирини танлаш лозим:

o    Йиллик (жами йиллик даромадлари бўйича);

o    Ихтиёрий (декларация қилинмайдиган даромадлар бўйича);

o    Дастлабки (ижара бўйича);

o    Чет эл жисмоний шахсларининг мол-мулкини реализация килишдан олинган даромадлар.

 Сўнгра, декларацияни қайси йил учун тақдим этиш, фуқаролик, шахсий жамғариб бориладиган пенсия бадали (ШЖБПБ) ҳисоб рақами ва телефон рақам киритилади. 

1.2. «Даромад манбалари» бўлимида даромад олинган манбалар сони ёзилади:

- асосий иш жойдан олинган даромадлар;

- асосий бўлмаган иш жойдан олинган даромадлар;

- илм-фан, адабиёт ва санъат асарларини яратганлик ва улардан фойдаланганлик учун муаллифлик ҳақи кўринишида олинган даромадлар;

- грант бўйича олинган даромадлар;

- мол-мулкни ижарага беришдан олинган даромадлар;

- фоизлар, дивидендлар ва бошқа мулкий даромадлар;

- Ўзбекистон Республикаси ҳудудидан ташқаридаги манбалардан олинган даромадлар;

- солиқ агентлари бўлмаган манбалардан олинган даромадлар;

- солиқ агенти томонидан солиқ ушлаб қолинмаган солиқ солинадиган бошқа даромадлар.

 Дивидендлар, фоизлар ва бошқа мулкий даромадлар олинган бўлса, «Ҳа», акс ҳолда «Йўқ» танланади

1.3. Солиқ агентлари бўлмаган манбалардан даромад олинган бўлса, ушбу даромад суммаси ва тўланган даромад солиғи суммасини (миллий валюта сўмда) кўрсатиш лозим.

1.4. 2018 йил 31 декабргача бўлган даврда солиқ агенти бўлмаган ташкилотлар (элчихона, ваколатхона)дан олинган даромадларни декларациялаш жараёнида ҳисобланиши лозим бўлган суғурта бадалини топширишда «Суғурта бадалларини ҳисоблаган ҳолда декларация тақдим этмоқчимисиз?» сатрига «Ҳа» ёзуви танланади.

 1.5. Ижарага берилган мол-мулк нотариус орқали расмийлаштирилганда  электрон шаклнинг:

а) «Дастлабки декларацияни нотариус маълумотлари асосида шакллантирмоқчимисиз?» сатри тўлдирилади («Ҳа»  ёки «Йўқ» танланади);

б) «Нечта шартнома бўйича дастлабки декларация топширмоқчисиз?» сатрида тузилган жами ижара шартномалар сони кўрсатилиши лозим.

Чет эллик жисмоний шахслар томонидан мол-мулкни реализация қилишдан олинган даромадларни «мол-мулкни реализация қилишдан олинган даромадлар сони (чет эллик жисмоний шахслар учун)» сатрида «Ҳа» ёзувини танлаш орқали киритиш мумкин.

1.6. Солиқ кодекснинг 379-моддасига асосан даромад солиғидан озод этилган бўлса:

а) «Қонун ҳужжатларида назарда тутилган бошқа даромадлар бўйича имтиёзлар?» сатрига асосан нечта имтиёздан озод этилганлик (рақам билан) ёзилади;

б) “Солиқ кодексининг 379, 380-моддаларига асосан солиқ тўлашдан озодмисиз?” сатри («Ҳа» ёзувини танлаган ҳолда) тўлдирилади. Бунда даромад солиғидан озод этилган банд танланиши лозим. Агар имтиёз йўқ бўлса «Йўқ» ёзуви танланади.

1-босқичда амаллар тўлиқ бажарилгандан сўнг, «кейин босқичга ўтиш» тугмаси босилиши лозим.

 2-босқич.

Ушбу босқичда 1-босқичда танланган даромад манбалари ҳақида қуйидаги маълумотлар (даромад суммалари, тўланадиган даромад солиғи ва бошқалар) киритилиши лозим:

- асосий ва асосий бўлмаган иш жойлари ҳамда улардан олинган даромадлар тўғрисида маълумотлар (корхона, ташкилот ва муассасанинг СТИРи, номи, ишлаган давр, даромад ҳақида маълумотнома рақами, санаси, даромад суммаси, тўланган даромад солиғи суммаси, шахсий жамғариб бориладиган пенсия бадали суммаси);

Шунингдек, Солиқ кодексининг 378-моддасига асосан (солиқ солинмайдиган даромадлар) имтиёзга эга бўлганда, «Солиқ кодексининг
378-моддасига асосан солиқ тўлашдан озодмисиз?» сатрида «Ҳа» ёзуви (даромад солиғидан озод этилган бандни), акс ҳолда «Йўқ» ёзуви танланади;

- илм-фан, адабиёт ва санъат асарларини яратганлик ва улардан фойдаланганлик учун муаллифлик ҳақи кўринишида олинган даромадлар  бўйича - муаллифлик ҳуқуқи объекти, даромад суммаси, харажатлар суммаси, солиққа тортиладиган даромад суммаси ва даромад солиғи суммаси  кўрсатилади;

- грант асосида олинган даромадлар бўйича – юридик шахс номи, гранд суммаси, даромад солиғи суммаси кўрсатилади;

- мол-мулкни ижарага беришдан олган даромадлар бўйича – ижара шартномаси рақами, мулк тури, ижарадан олинган даромад (турар ёки нотуар жой бўлса ижарага берилган жойнинг умумий майдони, автотранспорт воситаси бўлса ижарага берилган автомобиллар сони) кўрсатилади;

- фоизлар, дивидендлар ва бошқа мулкий даромадлар бўйича – олинган даромадлар, ушлаб қолинган даромад солиғи, агар турар ёки нотурар жойлари сотилган бўлса уларни сотилиш нархи, аввал сотиб олинган нархи ёки кадастр қиймати ва реализация қилишдан олинган даромадлар кўрсатилади;

- Ўзбекистон Республикаси ҳудудидан ташқаридаги манбалардан олинган даромад бўйича – даромад олган хорижий давлат, манзил, даромад олинган сана, олинган даромад суммаси ва хорижий давлатда тўланган солиқ суммаси кўрсатилади;

- солиқ агенти томонидан солиқ ушлаб қолинмаган солиқ солинадиган бошқа даромадлар бўйича – даромад тури, даромад суммаси, солиқ солинадиган даромад суммаси ва даромад солиғи суммаси кўрсатилади;

 2-босқичдаги амаллар тўлиқ бажарилгандан сўнг, «сақлаш ва кейинги босқичга ўтиш» тугмаси босилади.

 3-босқич.

5. Ушбу босқичда олинган даромадлар бўйича асослантирувчи ҳужжатлар электрон файли бириктирилиб, «сақлаш ва кейин босқичга ўтиш» тугмаси бослади.

4-босқич.

6. Ушбу босқичда аввалги босқичларда тўлдирилган маълумотлар асосида жами даромадлар тўғрисидаги декларация шаклланади. 

Ушбу маълумотлар тўғри тўлдирилганига ишонч ҳосил қилингандан сўнг, жўнатиш тугмасини босилади.

Декларация ҳисоботи ҳудудий солиқ органига жўнатилганидан сўнг, декларация жўнатилганлиги ҳақида шахсий кабинетга хабар келади.

Агар солиқ органининг масъул ходими томонидан декларация асосли равишда қайтарилган бўлса, жисмоний шахснинг шахсий кабинетига ҳисобот рад этилганлиги тўғрисида хабар келади.

.