Ўзбекистон Республикаси Давлат солиқ қўмитаси
Размер шрифта 15 px
A - A +
Цвета сайта
Ц Ц Ц Ц Ц
Изображения
Дополнительно
Настройки
Междустрочный интервал
Стандартный Средний Большой
Межбуквенный интервал
Одинарный Полуторный Двойной
Встроенные элементы (Видео, карты и тд.)
Включить Выключить
71 202-32-82
/ 1198
Call-марказ
Ҳудудий органлар
  • Айни вақтда карантин муносабати билан бизнинг корхона ниқоблар, антибактериал воситалар, хлор ва бошқалар сотиб олмоқда. Айтинг-чи, фойда солиғи бўйича ушбу харажатлар чегириладиган ҳисобланадими ?
    Солиқ кодексининг 317-моддасининг 18-бандига мувофиқ, даромад олишга қаратилган фаолият билан боғлиқ бўлмаган харажатлар, агар қонун ҳужжатларига мувофиқ бундай харажатларни амалга ошириш мажбурияти солиқ тўловчининг зиммасига юклатилмаган бўлса, ушбу харажатлар чегирилмайдиган харажатлар ҳисобланади. Ҳукумат қарорига кўра, пандемия шароитида корхона ва ташкилотларда карантин талабларига мос шароитлар яратиш белгиланган. Шу сабабли ҳодимлар учун ниқоблар, антибактериал ва бошқа дезинфекция воситалари сотиб олиш бўйича харажатлар фойда солиғи ҳисоб-китоб қилинганда солиқ базасидан чегирилади.
  • Жисмоний шахсларнинг даромад солиғи юзасидан берилган солиқ имтиёзлари бўйича меҳнатга ҳақ тўлашнинг энг кам миқдорини ҳисоблаб чиқаришда жорий йилнинг биринчи январидаги миқдори олинадими ёки ҳар – бир ўзгаришда ҳисобланадими?
    Ўзбекистон Республикаси Солиқ кодексининг 4-моддаси биринчи қисмига мувофиқ, Солиқ солиш, агар берилган моддада бошқача қоида назарда тутилмаган бўлса, солиқ мажбуриятлари юзага келган пайтда амалда бўлган қонун ҳужжатларига мувофиқ амалга оширилади.Шунга мувофиқ,меҳнатга ҳақ тўлашнинг энг кам меъёрини ҳисоблашда мазкур имтиёзнинг ҳисоблаш пайтидаги миқдори ҳисобга олиниши лозим.
  • Болани икки ёшгача парваришлаш бўйича таътилда бўлган ходимга тўланадган нафақага жисмоний шахсларнинг даромад солиғи солинадими?
    Ишловчи оналарга болани икки ёшга етгунига қадар тўланадиган ойлик нафақа (Адлия вазирлигидан 2002 йил 14 мартда 1113 - сон билан рўйхатдан ўтган ўтган қарорга асосан) солиқ тўловчининг бошқа даромади ҳисобланади ҳамда Жисмоний шахсларнинг даромад солиғига тортилади.(Солиқ кодесининг 377-моддаси 15-банди)
  • Корновирус пандемияси муносабати билан, йирик солиқ тўловчиларга солиқларни кечиктириб тўлаш бўйича қўшимча тадбирлар кўзда тутилганми?
    Ўзбекистон Республикаси Президентининг 2020 йил 19 мартдаги “Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида”ги ПФ-5969-сон фармонига мувофиқ, 2020 йил 1 октябргача бўлган даврда солиқ органлари вақтинча қийинчиликларни бошдан кечираётган хўжалик юритувчи субъектларга мол-мулк солиғи, ер солиғи ва сув ресурсларидан фойдаланганлик учун солиқ бўйича пенялар ҳисобланишини тўхтатиб туради, шунингдек, солиқ қарзини мажбурий ундириш чораларини кўрмайди. Бунда юқорида кўрсатиб ўтилган солиқ турлари бўйича кечиктириш ёки бўлиб тўлаш имкониятини тақдим этиш Иқтисодиёт ва саноат ҳамда молия вазирлигининг ҳудудий бўлинмалари раҳбарлари томонидан берилган хулоса ва солиқ тўловчининг аризаси асосида амалга оширилади.
  • 2019 йилда сотиб олинган асосий воситалар бўйича тўланган ҚҚС қолдигини 2020 йилда ҳисобга олишимиз мумкинми?
    Ўзбекистон Республикаси Давлат Солиқ қўмитаси ҳамда Молия вазирлигининг 2019 йил 30 декабрдаги № 06/04-01-32/3953 ва №12-37999 сонли қўшма хатига мувофиқ, 2020 йил 1 январь ҳолатига корхона қуйидагиларга тўғри келадиган ҚҚС суммасини ҳисобга олиши мумкин: - товар-моддий захиралари қолдиқлари; - қолдиқ қиймат билан асосий воситалар; - қурилиши тугалланмаган объект қийматига киритилган товар ва хизматлари; Бунда ҚҚС суммаси товар-моддий бойликлар ва хизматлар сотиб олинганда мол етказиб беручилар томонидан кўрсатилган ставкага мувофиқ улар қийматини камайтиради.
  • Енгил автомобилларни, шунингдек моторли воситаларнинг бошқа турларини ва улар учун ёқилғини сотиб олиш вақтида қўшилган қиймат солиғини ҳисобга олиш юзасидан тушунтириш.
    Солиқ кодексининг 267-моддаси, иккинчи қисмининг 1-бандига мувофиқ, солиқ тўловчи томонидан енгил автомобилларни, мотоциклларни, вертолётларни, моторли қайиқларни, самолётларни, шунингдек моторли воситаларнинг бошқа турларини ва улар учун ёқилғиларни сотиб олиш чоғида тўлаган солиқ суммалари, агар бу товарларни сотиб олиш амалга оширилаётган фаолият турига боғлиқ бўлмаса, ҳисобга олинмайди.
  • Тижорат банклари томонидан гаровга олинган мулк сотилганда, баҳоланган (сотиладиган) нарх билан баланс нархи орасидаги фарқдан ёки баҳоланган (сотиладиган) нархдан қўшилган қиймат солиғи ҳисобланишига аниқлик киритиб беришни сўралган.
    Тижорат банклари томонидан гаровга олинган мол-мулк реализация қилинганда, битим тарафлари томонидан қўлланилган нарх (реализация қилиш нархи) ҚҚСнинг солиқ базасидир
  • Банк томонидан гаровга олинган мулк бўйича Мол мулк солиғидан озод қилиш бўйича савол.
    Ўзбекистон Республикаси Адлия вазирлигидан томонидан 2020 йил 24 февралда рўйхатдан ўтказилган Давлат солиқ қўмитасининг 3221-сонли қарорининг 7-иловасида келтирилган изоҳ қисмига мувофиқ, кредит ташкилоти томонидан қарзни сўндириш ҳисобига сотиш мақсадида ундирилган мол-мулк (гаров мол-мулки) товар ҳисобланади, шу муносабат билан мол-мулк солиғи бўйича солиқ солиш объектида ҳисобга олинмаслиги керак, кредит ташкилоти томонидан ўз эҳтиёжлари учун фойдаланиладиган гаров мол-мулки бундан мустасно.
  • Йирик солиқ тўловчи тоифасига киритилган корхоналар ходимлар сони бўйича кичик тадбиркорлик субъекти ҳисобланган корхоналар таркибига кирса, молиявий ҳисоботларни топшириш муддатлари бўйича тушунтириш беришингизни сўраймиз.
    Кичик тадбиркорлик субъектлари, Ўзбекистон Республикаси Вазирлар Маҳкамасининг 2016 йил 24 августдаги “Иқтисодий фаолият турларини таснифлашнинг халқаро тизимига ўтиш чора-тадбирлари тўғрисида”ги 275-сонли қароригнинг 1-иловасига асосан, тадбиркорлик фаолияти туридан келиб чиқиб, йиллик молиявий ҳисоботларни топширадилар. Молиявий ҳисоботлар корхоналарнинг ходимлар сонидан келиб чиққан ҳолда, статистика қўмитаси томонидан берилган мақом бўйича (микрофирма, кичик корхона ва ҳоказо) тақдим этилади.
  • Банк филиали шартнома тузиб, бухгалтерия ҳисоботида ўзининг реквизитларини кўрсатди (жумладан СТИР). Лекин солиқ ҳисоботи Бош банк томонидан топширилади. Шунда, электрон ҳисобварақ фактура ким томонидан расмийлаштиилиши керак? Ҳисобварақ фактураларни расмийлаштириш бўйича янги тартиб ишлаб чиқиш таклиф қилинади.
    Банклар ҚҚС ва фойда солиғи тўловларини марказлашган ҳолда амалга оширади. Ташкилот ва корхоналар томонидан (кирувчи ва чиқувчи) ҳисобварақ-фактураларнинг тўғри расмийлаштирилганлиги ҚҚС ҳисоботининг аниқ шакиллантирилишининг асосий омили ҳисобланади. Банк филиаллари томонидан расмийлаштириладиган электрон ҳисобварақ-фактураларнинг ҳисобини ҳам марказлашган ҳолда юритиш учун уларни Бош банкга марказлашган ҳолда тақдим этилиши мақсадга мувофиқ. Бунда, ҳисобварақ-фактураларда банк филиали номидан ташқари бош банкнинг СТИР маълумоти кўрсатилиши лозим
1
Хизматни баҳоланг
Қўлланма
Изоҳлар
БАЛКИЕВ ДИЛШОД ХОЛМУРОДОВИЧ
09.06.2016
Жудаям яхши.Хизмат турларини бундан хам купайтириш лозим деб уйлайман.Сизларга катта рахмат!
САЙИДОВ КОМИЛ МАМАТМУРОДОВИЧ
08.11.2016
Эътиборингиз учун раҳмат. Янада янги ва қулай хизмат турларини яратиш ниятидамиз.