O‘zbekiston Respublikasi Iqtisodiyot va moliya vazirligi huzuridagi Soliq qo‘mitasi

Javob

O'zbekiston Respublikasi Soliq kodeksining 232-moddasiga asosan soliq organlarining sayyor soliq tekshiruvlari va soliq auditi natijalari bo'yicha qabul qilingan qarorlari ustidan shikoyat yuqori turuvchi soliq organiga qarorlari ustidan shikoyat qilinayotgan soliq organi orqali beriladi. Qarorlari ustidan shikoyat qilinayotgan soliq organi bunday ariza kelib tushgan kundan etiboran uch kun ichida uni yuqori turuvchi soliq organiga barcha materiallar bilan birga yuborishi shart. Soliq organlarining sayyor soliq tekshiruvlari va soliq auditi natijalari bo'yicha qabul qilingan qarorlari ustidan shikoyat shaxs o'z huquqlari buzilganligi to'g'risida bilgan yoki bilishi kerak bo'lgan kundan etiboran bir oy ichida berilishi mumkin. Ushbu muddat uzrli sababga ko'ra o'tkazib yuborilgan taqdirda, shikoyat berayotgan shaxsning iltimosnomasi bo'yicha yuqori turuvchi soliq organi tomonidan ushbu muddat tiklanishi mumkin.

Javob

O'zbekiston Respublikasining Soliq mamuriyatchiligi takomillashtirilishi munosabati bilan O'zbekiston Respublikasining ayrim qonun hujjatlariga o'zgartish va qo'shimchalar kiritish to'g'risida 2022 yil 11 martdagi O'RQ-758-sonli Qonuniga asosan, Soliq kodeksining 139-moddasining sakkizinchi qismi o'z kuchini yo'qotgan.

Javob

O'zbekiston Respublikasi Soliq kodeksining 139-moddasida uchinchi qism sayyor soliq tekshiruvlarini o'tkazish chog'ida soliq organlari profilaktika tadbirlarini va xronometraj kuzatuvlarini amalga oshirishga, nazorat-kassa texnikasi va to'lov terminallari qo'llanilishini tekshirishga va soliq nazoratining boshqa tadbirlarini o'tkazishga haqli.

Javob

Soliq kodeksining 138-moddasiga asosan Soliq to'lovchi tegishli tuzatishlar kiritish to'g'risidagi xabarnoma olingan kundan etiboran o'n kunlik muddatda aniqlashtirilgan soliq hisobotini yoki aniqlangan tafovutlarning asosnomasini taqdim etishi shartligi belgilangan. Bunday majburiyatning bajarilmaganligi soliq organi tomonidan soliq to'lovchida kameral soliq tekshiruvini tayinlash uchun asos bo'ladi.

Javob

Vazirlar Mahkamasining 2021 yil 7 yanvardagi 1-sonli qarori bilan tasdiqlangan Soliq tekshiruvlarini tashkil etish va o'tkazish tartibi to'g'risidagi Nizomning 17-bandi o'n birinchi xatboshisiga asosan Sayyor soliq tekshiruvlari yoki soliq auditini o'tkazishda soliq to'lovchilar quyidagi hollarda soliq organi mansabdor shaxslarini soliq tekshiruvini o'tkazish uchun hududga va joylarga qo'ymaslikka haqli, agar- sayyor soliq tekshiruvini o'tkazish to'g'risidagi buyruq belgilangan tartibda rasmiylashtirilmagan va buyruq nusxasi soliq to'lovchiga berilmagan bo'lsa, soliq to'lovchi uni olishdan bosh tortgan hollar bundan mustasno- tekshiruvchi mansabdor shaxs tekshiruvni tayinlash to'g'risidagi buyruqda ko'rsatilmagan, o'z xizmat guvohnomasini ko'rsatmagan bo'lsa- soliq tekshiruvini o'tkazishning buyruqda ko'rsatilgan muddatlari boshlanmagan yoki o'tib ketgan bo'lsa.Yuqoridagilarga asosan tekshiruvchi mansabdor shaxs o'z xizmat guvohnomasini ko'rsatmagan bo'lsa, soliq organi mansabdor shaxslarini soliq tekshiruvini o'tkazish uchun hududga va joylarga qo'ymaslikka haqlisiz.

Javob

Kameral soliq tekshiruvi quyidagi hollarda otkaziladi tahlika-tahlil dasturi malumotlari asosida soliq qonunchiligi buzilishi sodir etilganligi xavfi mavjud bolganda soliq tolovchi taqdim etgan soliq hisobotida tafovutlar yoki xatolar aniqlangandasoliq qonunchiligi talablarining buzilish holati haqida jismoniy yoki yuridik shaxsning murojaati soliq organiga tushgandaoldin taqdim etilgan soliq hisobotiga nisbatan soliq summasini kamaytiradigan yoki korilgan zarar summasini kopaytiradigan aniqlashtirilgan soliq hisoboti taqdim etilganda. Kameral soliq tekshiruvi soliq organi buyrugi asosida otkaziladi.Tekshiruv davo muddati 5 yil tugamagan soliq davrlariga nisbatan amalga oshirilishi mumkin. Kameral soliq tekshiruvining umumiy muddati 60 kundan oshishi mumkin emas.Tekshiruv davomida soliq organi soliq tolovchidan quyidagilarni talab qilib olishga haqlihisobga olish hujjatlarini taqdim etilgan soliq hisobotiga va hisobga olish hujjatlariga doir tushuntirishlarnisoliq hamda yigimlarni hisoblab chiqarish va tolash bilan bogliq boshqa axborotni.Kameral soliq tekshiruvi natijalari boyicha xulosa tuziladi. Agar soliq hisobotidagi tafovutlar yoki xatolar aniqlansa, soliq organi 2 kun muddatda soliq tolovchiga aniqlangan tafovutlarni bartaraf etish togrisida talabnoma yuboradi.Soliq tolovchi korsatilgan xabarnomani olgan kundan etiboran on kun muddatda aniqlashtirilgan soliq hisobotini yoki aniqlangan tafovutlarning asosnomasini taqdim etishi shart. Agar kameral soliq tekshiruvi o'tkazish chog'ida soliq tolovchi tomonidan soliqqa oid huquqbuzarlik sodir etilganligi aniqlansa, soliq qonunchiligi buzilganligi holatlarini qayd etuvchi dalolatnoma tuziladi. Soliqqa oid huquqbuzarlik togrisidagi dalolatnoma va kameral soliq tekshiruvining boshqa materiallari korib chiqilganidan keyin natijalari boyicha qoshimcha soliqlar va penya hisoblash yoki ularni rad etishni nazarda tutuvchi qaror qabul qilinadi. Qaror, ikki kun ichida soliq to'lovchiga yuboriladi. Soliq organining kameral soliq tekshiruvi natijasida qabul qilingan qarori ustidan yuqori turuvchi soliq organiga yoki sudga shikoyat httpst.mesoliqnews8363 qilinishi mumkin.VMQ 1-son 2-ilova 07.01.2021-yil

Javob

O'zbekiston Respublikasi Vazirlar Mahkamasining 2021 yil 22 sentabrdagi Soliq to'lovchilarni hisobga olishni yanada takomillashtirish va qo'shilgan qiymat solig'ining o'rnini qoplash tartibini soddalashtirish chora-tadbirlari to'g'risidagi 595-son qaroriga asosan 2022 yil 1 yanvardan boshlab yuridik shaxslar tomonidan ko'chmas mulkni ijaraga berish olish yoki tekin foydalanish shartnomalarini davlat soliq xizmati organlarida hisobga qo'yiladi. Bunda jismoniy va yuridik shaxslar tomonidan ko'chmas mulkni ijaraga berish yoki tekin foydalanish shartnomalarini davlat soliq xizmati organlarining elektron tizimlarida hisobga qo'yish masofadan turib faqat elektron shaklda amalga oshiriladi.

Javob

Soliq kodeksining 378-moddasi 16-bandiga asosan, soliq tolovchining O'zbekiston Respublikasining oliy o'quv yurtlarida talim olish o'zining, yigirma olti yoshga to'lmagan farzandlarining yoki erining xotinining talim olishi uchun yo'naltiriladigan to'lov, soliq solinishi lozim bo'lgan ish haqi va boshqa daromadlari, soliq solinmaydigan daromadlar deb belgilangan. Yuqoridagilardan kelib chiqib, korxonangizdagi oliy o'quv yurtlarining sirtqi bo'limlarida talim olayotgan ishchi xizmatchilarning kontrakt to'lovlari, o'zlarining va ota-onalarining yigirma olti yoshga to'lmagan farzandlari uchun ish haqlari hisobidan to'lab berilganda, ushbu to'lovlar jismoniy shaxslardan olinadigan daromad solig'iga tortilmaydi.

Javob

Soliq kodeksining 483-moddasi 9-qismiga asosan 2021 yilning 10 oktyabridan 2022 yil 30 aprelga qadar bo'lgan davrda tovuq go'shtini, muzlatilgan baliqni va tirik parrandani, 2021 yil 10 oktyabrdan 2022 yil 31 dekabrga qadar bo'lgan davrda esa go'shtni mol go'shtini, qo'y go'shtini, tirik hayvonlarni molni va qo'yni hamda ularni so'yishdan olingan mahsulotlarni, kartoshkani realizatsiya qilish bo'yicha aylanma, shuningdek ularni O'zbekiston Respublikasi hududiga olib kirish qo'shilgan qiymat solig'idan ozod qilinadi.

Javob

O'zbekiston Respublikasi Prezidentining 2022 yil 27 yanvardagi PQ-104-son qarorining 2-bandi a-kichik bandiga asosan 2022 yil 1 apreldan 2025 yil 1 yanvarga qadar chakana savdo va umumiy ovqatlanish, mehmonxona joylashtirish xizmatlari, avtotransportda yo'lovchi va yuk tashish, transport vositalarini tamirlash va ularga texnik xizmat ko'rsatish, kompyuter xizmatlari, maishiy texnikani tamirlash, agro va veterinariya xizmatlarini ko'rsatuvchi hamda ko'ngilochar maskanlarda xizmatlar ko'rsatuvchi tadbirkorlik subektlari uchun ijtimoiy soliq stavkasini 1 foiz etib belgilangan. Yuqoridagi qaror bilan ijtimoiy soliq stavkasini 1 foiz etib belgilan faoliyat turlari bo'yicha hududlar belgilanmagan.